तीन जनाको टिमले बनायो सलमान-ज्याकलिनको म्युजिक भिडियो

सलमान खान र ज्याकलिन फर्नान्डेज लकडाउनमा सलमानको फार्महाउसमा समय बिताईरहेका छन् । हालै फार्महाउसमा नै उनीहरुले दर्शकहरुको लागि एक रोमान्टिक म्युजिक भिडियोको छायांकन गरेका छन् । सलमानकै स्वर रहेको ‘तेरे बिना’ बोलको उक्त गीतको टिजर छिट्टै रिलिज गरिनेछ ।

लकडाउनको पालना गरेर केवल तीन जना मिलेर उक्त भिडियो छायांकन गरिएको हो । सलमानले इन्स्टाग्राममा एक इन्टरभ्युको भिडियो सार्बजनिक गरेका छन् । वालुसा डिसुजाले उनीहरुको इन्टरभ्यु लिईरहेकी छिन् । सलमान र ज्याकलिनले आफुहरु दुइ जना र क्यामेराम्यान गरेर जम्मा ३ जनाको टिमले भिडियो खिचेको बताएका छन् । सलमानले गर्मीका कारण भिडियोको छायांकन ४ दिन सम्म प्रत्येक दिन साँझ ५:३० देखि ६:३० सम्म गरिएको जानकारी दिए । इन्टरभ्युमा उनीहरुले इन्टरनेटको गतिका कारण सम्पादकलाई फाइल पठाउदाको कष्ट बारे पनि कुराकानी गरेका छन् ।

सलमानले आफुले अहिले सम्म ४ वटा गीतहरु गएको र त्यस मध्ये यो गीत सबै भन्दा राम्रो भएको बताएका छन् ।