टिकटकमा कम्मर मर्काउदै मदनकृष्ण श्रेष्ठ

अग्रज कलाकार मदन कृष्ण श्रेष्ठ नाच्दै देखिएका छन् । लकडाउनको समय उनी खुसि मुद्रामा नाच्दै गरेको भिडियो सामाजिक संजालमा चर्चित बनेको छ । ‘बदाम खाको सुन्तला छोडाको’ बोलको नेपाली लोक दोहोरी गीतमा उनी रमाएर नाचेका छन् । टिकटक मार्फत सार्वजनिक उक्त गीतले धेरैको मन खुसी बनाएको छ । उनको उक्त भिडियो अर्का कलाकार हरिवंश आचार्यले सेयर गरेका छन् ।

लामो समयबाट स्वास्थ्यमा समस्या सिर्जना भए पनि पछिल्लो समय उनी सक्रिय देखिएका छन् । अमेरिका रहेका छोरा छोरी नै नेपाल आएर उनी संग रहिरहेको समय लकडाउनले उनीहरुलाई एक साथ बनाएको छ । केहि दिन अघि आफुलाई छोरा छोरीले पुल्पुल्याएर राखेको श्रेष्ठले बताएका थिए।