सुनिल रावलले फिल्म ‘लकडाउन’ बनाउने

निर्माता सुनिल रावलले फिल्म ‘लकडाउन’ बनाउने भएका छन् । काफिया फिल्म्स र दुर्गिश फिल्म्सको निर्माणमा बन्ने फिल्म मार्फत सुनिल रावलले निर्देशनमा पनि हात हाल्दै छन् । फिल्म कोरोना महामारीको कारण सिर्जित लकडाउनको बिषयमा केन्द्रित रहने बताइएको छ । फिल्मको धेरै जसो छायांकन नेपालमै हुनेछ भने केहि प्रतिशत छायांकन अमेरिकामा गरिनेछ ।

वितरक तथा काफिया फिल्म्सका गोविन्द शाहीले आफुलाई कथा मन परेको कारणले फिल्ममा सहकार्य गर्न तयार भएको बताएका छन् । उनले फिल्ममा कमेडी, रोमान्स र भावनात्मक कथाको मिश्रण रहने बताए । उनले सम्भावित केहि कलाकार संग कुरा भएको र सबै कुरा मिल्यो भने लकडाउन पछि छलफल गरेर सार्बजनिक गरिने जानकारी दिए ।

यस अघि ‘सायद’, ‘होस्टेल’, ‘होस्टेल रिटर्न्स’ र ‘सायद २’ निर्माण गरेका सुनिलको फिल्म ‘लाउरे’ को काम अड्किरहेको छ । ‘लाउरे’ को काम अधुरै छोडेर उनि अमेरिका गएका थिए । यतिबेला रावल परिवार संगअमेरिकामै रहेका छन् ।