ऋषि कपुरको बिहेमा ब्यान्डेज गरेको हात लिएर गएका थिए अमिताभ

अघिल्लो हप्ता ऋषि कपुरको निधन हुनुभन्दा एक दिन अघि भारतीय अभिनेता अमिताभ बच्चनले एक भ्लगमा ऋषि कपुरको बिहेमा सहभागी हुँदाको फोटो पोष्ट गरेका थिए । फोटोमा अमिताभको हातमा ब्यान्डेज देखिन्छ ।

चेन्नईमा फिल्म ‘महान’ को छायांकनको क्रममा अमिताभ घाइते भएका थिए । ‘महान’ को ३७ वर्ष पुगेको अवसरमा अमिताभले अघिल्लो हप्ता उक्त फोटो शेयर गरेका हुन् ।

फिल्मको छायांकनको क्रममा घाइते भएपछि उनलाई तुरुन्तै हस्पिटल लागिएको थियो । उपचार पछी उनि लगत्तै ऋषि कपुर र नितु सिंहको बिहेमा सहभागी हुन पुगेका थिए । कामको व्यस्तताको कारणले उनको हातको चोट धेरै समय सम्म निको हुन सकेन । दिपावलीको बेला पटाका पड्काउने क्रममा फेरी त्यो घाउ बल्झिएको थियो र उक्त चोटले अमिताभलाई धेरै पछि सम्म दुख दिएको थियो । उनले केहि फिल्ममा उक्त चोट लुकाउनको लागि खुब मिहिनेत गर्नु परेको थियो ।