रामकृष्ण ढकालको गीत पहिलो पटक करोड क्लबमा

गायक रामकृष्ण ढकालको गीत पहिलो पटक ‘करोड क्लब’ मा प्रवेश गरेको छ । फिल्म ‘हिजो आजका कुरा’ मा ढकाल र मेलिना राईले गाएको ‘माया जदौ’ बोलको गीत एक करोड भन्दा धेरै पटक हेरिएको हो ।

गीतमा आनन्द अधिकारीको शब्द, दिपक शर्माको संगीत र श्यामस्वेत रसाइलीको संगीत संयोजन रहेको छ । गीतको भिडियोमा कविराज गहतराजको कोरियोग्राफी रहेको छ ।

युट्युबमा गीतहरु राख्ने चलन आउनु भन्दा अघिनै ढकालले फिल्ममा गाएका धेरै गीतहरुले अहिलेका ‘करोड क्लब’ का गीतले भन्दा बढी चर्चा बटुलेका थिए । ‘सीमारेखा’ को ‘छिटको गुन्यु’, ‘झझल्को’ को ‘जिन्दगीले यसरि धोका दियोकी’, ‘आशिर्वाद’ को ‘मलाई यो जिन्दगिले कहाँ पुर्यायो’ र ‘झरनाभै झर्दै’, ‘कहीं मिलन कहीं बिछोड’ को ‘मलाई लुकी छिपी भए पनि माया गर है’ लगायतका उनका दर्जनौ गीतहरु चर्चित छन् ।

बैसाख १२ गतेलाई रिलिज मिति तोकेको ‘हिजो आजका कुरा’ कोरोना महामारीको कारण लकडाउन भएपछी रिलिज स्थगित भएको थियो । यश फिल्म प्रोडक्सनबाट निर्माण भएको फिल्ममा सन्तोष पन्त, रमा थपलिया, नितेशराज पन्त, ऋचा शर्मा, केकी अधिकारी, रिमा विश्वकर्मा, जेविका कार्की, रमेश अधिकारी, सविन शाक्य, विनायक कुँईकेल, अनुष्का अधिकारी लगायतको अभिनय रहेको छ । फिल्मलाई साकार पन्तले निर्देशन गरेका हुन् ।