‘छक्का पन्जा ४’ अगावै अर्को फिल्मको तयारीमा दीपक राज गिरी

कलाकार दीपक राज गिरी र टिमले ‘छक्का पन्जा ४’ फिल्म यो वर्ष नगर्ने भएका छन् । कोरोना भाइरसका कारण २०७७ सालको दशैँमा फिल्म प्रदर्शन गर्न नसकिने भएको कारण फिल्म अहिलेलाई रोक्ने दिपकले बताएका छन् । न्युज फिल्मीसंग कुराकानी गर्दै उनले उक्त फिल्म भन्दा पहिले अर्को फिल्मको तयारी गरिरहेको संकेत दिएका छन् । नयाँ फिल्ममा काम गर्दै गरेका उनले उक्त फिल्म २०७८ सालको बैशाखमा नयाँ बर्षको अवसर पारेर सार्वजनिक गर्ने योजना बनाएका छन् । साथै उनको टिमले दशैँमा आउने गरेर ६-७ भागको वेब सिरिज बनाउने हो कि भनेर समेत सोच्दै गरेको बताएका छन् ।

प्रत्येक वर्ष क्यामेराको पछाडी बसेर सामाजिक सेवा गर्दै आएका उनी माथि कोरोनाको समयमा सहयोग नगरेको आरोप आउने गरेको छ । तर उनले देखाएर सहयोग गर्न मन नलाग्ने बताउदै ‘एक हातले दिएको अर्को हातले थाहा नपाओस’ भन्दै आएका छन् ।