‘गेम अफ थ्रोंस’ अभिनेता बि. जे. हगको निधन

उत्तरी आयरल्याण्डका अभिनेता बि. जे. हगको ६५ वर्षको उमेरमा अप्रिल ३० मा निधन भएको छ । उनि कमेडी सिरिज ‘गिभ माइ हेड पिस’, एचबिओ को ‘गेम अफ थ्रोंस’, क्राइम ड्रामा सिरिज ‘द फल’ का लागि चर्चित छन् । ‘गिभ माइ हेड पिस’ मा उनले २० वर्ष भन्दा बढी बिग मार्भिनको भूमिका निभाएका थिए भने ‘गेम अफ थ्रोंस’ मा उनले सर एडम मारब्रान्डको भूमिका निभाएका थिए । उनि ‘गेम अफ थ्रोंस’ को पहिलो सिजनमा देखिएका थिए ।

सन् १९५५ मा लिसवर्नमा जन्मेका हगले करिब चार दशक लामो फिल्मी करियरमा अन्य धेरै फिल्म तथा सिरिजहरुमा पनि काम गरेका छन् । उनले अभिनय गरेको फिल्म ‘डान्स लेक्सी डान्स’ सन् १९९८ मा उत्कृष्ट लाइभ एक्सन शर्ट विधाको ओस्कारमा समेत मनोनित भएको थियो ।