‘रामायण’ ले बनायो विश्व रेकर्ड, बन्यो सबैभन्दा धेरै हेरिएको टिभि शो

रामानन्द सागरको ‘रामायण’ ले विश्व रेकर्ड बनाएको छ । अप्रिल १६ मा ७.७ करोड भ्युज संगै यो सिरियलले विश्वमा सबैभन्दा धेरै हेरिएको शोको रेकर्ड बनाएको हो ।

दुरदर्शन नेसनलको आधिकारिक ट्वीटर मार्फत उक्त जानकारी दिईएको हो । कोरोना महामारीको कारण लकडाउन घोषणा भएसंगै दुरदर्शनले ‘रामायण’ लगायत अन्य पुराना सिरियलहरुको पुन:प्रसारण शुरु गरेको थियो ।

WORLD RECORD!!
Rebroadcast of #Ramayana on #Doordarshan smashes viewership records worldwide, the show becomes most watched entertainment show in the world with 7.7 crore viewers on 16th of April pic.twitter.com/hCVSggyqIE

— Doordarshan National (@DDNational) April 30, 2020

 

लकडाउनका कारण नयाँ सामग्रीहरु निर्माण गर्न नसकिएको कारण भारतमा टेलीभिजनहरुले पुराना कार्यक्रमहरु प्रसारण गर्न थालेका थिए । घरमा बस्न बाध्य भएकाहरुले पनि पुराना यादहरु ताजा गर्दै अवसर पाएका छन् । ‘रामायण’, ‘महाभारत’, ‘शक्तिमान’, ‘श्रीमान श्रीमती’, ‘देख भाइ देख’ लगायतका कार्यक्रमहरुले राम्रै दर्शक पाइरहेका छन् ।