युट्युवमा निशा अधिकारी निर्मित फिल्म ‘झ्यानाकुटी’

फिल्म ‘झ्यानाकुटी’ युट्युवमा सार्वजनिक भएको छ । नायक सौगात मल्ल र नायिका बेनिशा हमाल अभिनित यो फिल्म नायिका निशा अधिकारीले पहिलो पटक निर्माण गरेकी हुन् । फिल्म सिमोस सुनवारले निर्देशन गरेका छन् ।

‘झ्यानाकुटी’मा सौगात र बेनिशाका अलावा पुष्कर गुरुङ, सुमि मोक्तान, जीवन भट्टराई लगायतका कलाकारहरुको अभिनय छ । फिल्मको कथा प्रदीप भारद्वाजले लेखेका हुन् । निर्देशक आफैले सम्पादन गरेको फिल्ममा सनिश सुनवार र विकास चौधरीको संगीत सुन्न सकिन्छ । फिल्मका गीतहरु सनिश सुनवार र प्रदीप भारद्वाजले लेखेका हुन् ।