बिहिबार साँझनै गरिनेछ ऋषि कपुरको अन्त्येष्टि, १५ जना मात्र सहभागी हुन पाउने

दुई वर्ष देखि क्यान्सर संग जुधिरहेका प्रसिद्ध भारतीय अभिनेता ऋषि कपुरको बिहिबार ६७ वर्षको उमेरमा निधन भयो । उनको परिवारमा श्रीमती – नितु कपुर, एक छोरा – रनवीर कपुर र छोरी – रिदिमा रहेकी छिन् ।

बिहिबार साँझनै उनको अन्त्येष्टि गर्ने तयारी गरिएको छ । रनवीर कपुरकी गर्लफ्रेन्ड तथा अभिनेत्री अलिया भट्ट पनि हस्पिटल पुगेकी छिन् भने ऋषि कपुरकी भतिजी करिना कपुर पनि पति सैफ अलि खान संगै त्यहाँ पुग्नेछिन् । त्यस्तै ऋषि कपुरकी दिल्लीमा रहेकी छोरी रिदिमा अन्तिम संस्कारको लागि मुम्बई हिंडीसकेकी छिन् ।

अन्त्यष्टिको समय निश्चित नगरिए पनि उनको लाश हस्पिटलबाट सिधा चन्दनवाडी शवदाह गृह लगिने बताइएको छ । कोरोना महामारीको कारण अन्तिम क्रियामा जम्मा १५ जना मात्र सहभागी हुन पाउनेछन् ।