परिवार र नजिकका साथीहरुको उपस्थितिमा इरफान खानको अन्त्येष्टि

परिवारका सदस्यहरु र नजिकका साथिहरुको उपस्थितिमा भारतीय अभिनेता इरफान खानको अन्त्येष्टि गरिएको छ । मुम्बईको भरशोभा कब्रस्तानमा उनको लाश गाडिएको हो । सन् २०१८ देखि न्यूरो इंडोक्राइन ट्यूमर संग लडिरहेका इरफानको बुधबार कोलोन संक्रमणको कारण मृत्यु भएको थियो ।

उनको मृत्यु पछि उनका थुप्रै साथिहरु श्रदान्जलीको लागि कोकिलाबेन धीरूभाई अम्बानी हस्पिटल, मुम्बई पुगेका थिए । तर कोरोना भाइरस महामारीको कारण करिब २० जना मात्र उनको अन्त्येष्टिमा सहभागी हुन पाएका थिए ।