धकेलिए ‘स्पाइडर-म्यान’ का सिक्वेलहरु

सोनी पिक्चर्सले ‘स्पाइडर-म्यान’ को सिक्वेलहरुको रिलिज मिति पर सारेको छ । कोरोना भाइरस महामारीको कारण आफ्ना अन्य फिल्महरुको पनि तालिका मिलाउनको लागि यसो गरिएको हो ।

‘स्पाइडर-म्यान: फार फ्रम होम’ को सिक्वेल जुलाई १६, २०२१ बाट नोबेम्बर ५, २०२१ मा सारिएको छ भने एनिमेटेड फिल्म ‘स्पाइडर-म्यान: इन्टु दि स्पाइडर-भर्स’ अप्रिल ८, २०२२ बाट अक्टोवर ७, २०२२ मा सारिएको छ ।

टम होल्याण्ड अभिनित सन् २०१९ को फिल्म ‘स्पाइडर-म्यान: फार फ्रम होम’ एक सफल फिल्म हो । यस फिल्मले विश्वभरबाट १.१३ बिलियन डलर कमाएको थियो । ‘स्पाइडर-म्यान: इन्टु दि स्पाइडर-भर्स’ ले गत वर्षको एनिमेटेड फिल्म तर्फको उत्कृष्ट फिल्म विधामा एकेडेमी अवार्ड पाउन सफल भएको थियो । यस फिल्मले विश्वभरबाट ३७५ मिलियन डलर कमाएको थियो ।

त्यसैगरि डिज्ने र मर्वेल स्टुडियोले ‘डाक्टर स्ट्रेन्ज इन द मल्टीभर्स अफ म्याडनेस’ को रिलिज मिति नोबेम्बर ५, २०२१ बाट मार्च २५, २०२२ पुर्याएको छ ।