कोरोनाका कारण साहित्यकार गोपाल शाहीको निधन

पूर्व गोरखा सैनिक तथा साहित्यकार गोपाल शाहीको कोरोना संक्रमणका कारण निधन भएको छ । बेलायतमा रहेका शाहीको बुधबार निधन भएको थियो । लण्डनको रोयल फ्रि अस्पतालमा दुई साताअघि भर्ना भएका ७२ वर्षीय शाहीको बुधबार दिउँसो निधन भएको हो ।

लामो समय दक्षिण पूर्वी लण्डनमा बसोबास गरेका शाही अहिले ह्वाइटसिटी लण्डनमा श्रीमतीसहित बस्दै आएका थिए । पुर्ख्यौली घर प्यूठान भएका शाहीको परिवार अहिले भैरहवा र भारतको मुम्बईमा बस्ने गरेको छ । उनको श्रीमती, २ छोरी र १ छोरा छन् ।