अल्लु अर्जुनको ‘पुष्पा’ मा निवेथा थोमस !

दक्षिण भारतीय अभिनेत्री निवेथा थोमस अल्लु अर्जुनको आगामी फिल्म ‘पुष्पा’ मा अनुबन्धित भएको खबरहरु आएको छ । स्रोतका अनुसार फिल्ममा उनि बिशेष भूमिकामा देखिनेछिन् । खबरको आधिकारिक पुष्टि भइसकेको छैन । ‘पुष्पा’ मा मुख्य अभिनेत्रीको रुपमा भने रष्मिका मन्डनाले अभिनय गर्दैछिन् ।

केहि दिन अघि फिल्मको मुख्य खलपात्रको लागि सुनिल शेट्टीसंग कुरा गरिएको र उनले स्क्रिप्ट मनपराएको खबरहरु बाहिरिएको थियो । फिल्ममा उनको संलग्नता बारे पनि आधिकारिक जानकारी भने आएको छैन । यहि महिना छायांकनमा जाने भनिएको फिल्म कोरोना भाइरसको कारण रोकिएको थियो ।

निवेथा पछिल्लो पटक एआर मुरुगादोसको फिल्म ‘दरवार’ मा सुपरस्टार रजनीकान्तसँग देखिएकी थिईन् । उनको नानि संगको फिल्म ‘भी’ र पवन कल्याणसंगको फिल्म ‘वकिल साब’ रिलिज अगावैनै चर्चाको केन्द्रमा रहेका छन् । निवेथा ‘जेन्टलम्यान’, ‘निन्नु कोरी’, ‘११८’ जस्ता फिल्मको लागि चिनिन्छिन् ।