रजनीकान्तका फ्यानद्वारा विजयका फ्यानको हत्या

भारतमा दुई साथिहरु बीच कलाकारले गरेको सहयोगको बारेमा भएको विवादले हिंसात्मक रुप लिएको छ । कोरोना भाइरस प्रभावितहरुलाई कसले धेरै रकम सहयोग गर्यो भन्ने बिषयमा विवाद बढ्दै गएपछि दक्षिण भारतीय सुपरस्टार रजनीकान्तका फ्यानले अर्का सुपरस्टार थालापति विजयका फ्यानको हत्या गरेका हुन् ।

खबरहरुका अनुसार विवाद पश्चात रजनीकान्तका फ्यान दिनेश बाबुले थालापति विजयका फ्यान युबराजलाई धक्का दिएका थिए । त्यसपछि युबराजको टाउकोमा चोट लाग्यो र त्यहिनै उनको निधन भयो । यो घटना विल्लूपुरममा भएको थियो र घटना लगत्तै दिनेश बाबुलाई प्रहरीले नियन्त्रणमा लिएको थियो ।

रजनीकान्तले कोरोना भाइरसको लडाईको लागि ५० लाख सहयोग गरेका थिए भने अन्य तरिकाले पनि उनि मानिसहरुलाई सहयोग गरिरहेका छन् । त्यस्तै विजयले पनि कोरोना प्रभावितहरुको लागि डेढ करोड सहयोग गरेका थिए ।

ताजा आँकडाका अनुसार भारतमा कोरोनाबाट संक्रमित हुनेको संख्या २३ हजार नाघेको छ । त्यस्तै अहिले सम्म ७०० भन्दा बढीको मृत्यु पनि भइसकेको छ ।