अजय देवगन अभिनित ‘रेड’ को सिक्वेल बन्ने निश्चित

सन् २०१८ को सफल फिल्म ‘रेड’ को सिक्वेल बन्ने निश्चित भएको छ । निर्माता भुषण कुमारले यस खबरको पुष्टि गरेका हुन् । ‘रेड’ कै निर्माताहरु भुषण कुमार र कुमार मंगतले ‘रेड -२’ बनाउनेछन् भने फिल्ममा अजय देवगननै फेरी पनि मुख्य भूमिकामा देखिनेछन् । यतिबेला फिल्मको स्क्रिप्टका काम भैरहेको छ ।

‘रेड’ सन् ८० को दशकमा आयकर बिभागका अधिकारीहरुले छापा मारेको सत्य घटनामा आधारित थियो । यस फिल्मलाई रितेश शाहले लेखेका थिए भने राजकुमार गुप्ताले निर्देशन गरेका थिए । ‘रेड -२’ पनि त्यस्तै बिनाबर्दीका राष्ट्र सेवकहरुको सत्य घटनामा आधारित हुने बताइएको छ ।

निर्माता भुषण कुमारले अजय देवगन संग केहि अघि ‘तान्हाजी’ मा सहकार्य गरेका थिए र यो फिल्म सुपरहिट भएको थियो । उनले ‘रेड’ साथै ‘तान्हाजी’ को सफलताको कारण दर्शकहरुको अपेक्षा ठुलो रहेको र आफुहरुमा नयाँ फिल्ममा अझ धेरै मिहिनेत गर्नुपर्ने दवाब रहेको बताएका छन् ।

लकडाउन लगत्तै अजय देवगन ‘थ्यांक गड’ र ‘चाणक्य’ मा ब्यस्त हुनेछन् ।