धुर्मुस-सुन्तलीको आगामी कदम राहत वितरण

कोरोना भाइरस अर्थात कोभिड १९का कारण विश्वका अधिकांश देशमा लकडाउनको स्थिति छ । नेपाल समेत बिगत २८डन देखि लकडाउनको स्थिति छ । नेपाली कलाकार तथा सामिजिक अभियन्ता सिताराम कट्टेल ‘धुर्मुस’ र कुन्जना घिमिरे ‘सुन्तली’ ले ‘धुर्मुस सुन्तली फाउन्डेसन’ मार्फत अब भने यो संकटको घडीमा राहत वितरण सुरु गर्ने भएका छन् ।  घरमै रहेर सुरक्षित बस्दै गरेका उनीहरुले आगामी चरणको कार्यक्रम स्वरूप राहत बाड्न लागेका हुन् । घरमा नै बसेर चेतना मुलक भिडियो निर्माण गर्दै गरेका उनीहरुले सम्पर्क नम्बर सहित एक पोष्ट सामाजिक संजाल मार्फत सार्वजनिक गर्दै राहत बाड्ने जानकारी दिएका छन् ।
हेरौ उनीहरुको पोष्ट :
याे संकट तथा महामारीकाे बेला लकडाउनको पालना गर्नु हामी सबैको कर्तव्य हो  । हामी पनि लकडाउनको पालना गरी घरबाट नै बिभिन्न सन्देशमुलक सामग्रीहरु बनाईरहेका थियाैं ।

काेराेना संक्रमणका कारण लकडाउन लम्बिदै गर्दा धेरै जनामा अभाव र सङ्कट सिर्जना भएको छ ।अब यो समयमा सबैजना मिलेर मानविय धर्म पनि निर्वाह गर्नुपर्छ ।

हामीले पनि धुर्मुस सुन्तली फाउण्डेशन मार्फत राहत, उद्दार तथा समन्वयकारी भूमिका निर्वाह गर्ने निर्णय गरेका छौं । याे विषम परिस्थितिमा काेही अभाव तथा संकटमा हुनुहुन्छ भने हामीलाई सम्पर्क गर्न सक्नुहुनेछ l विपतमा पर्नुभएकाहरुलाई सहयाेग गर्न र समन्वयकारी भूमिका निर्वाह गर्न हामी तयार छाैं ।

सम्पर्कका लागि फोन नं. ९८४१७२१४१४/९८४२६८६४००