‘टम एण्ड जेरी’ निर्देशक जिन डाइचको निधन

‘टम एण्ड जेरी’ का निर्देशक एवं ओस्कार विजेता, डिजाइनर जिन डाइचको ९५ वर्षको उमेरमा निधन भएको छ । बिहीबार राति पाराग्वेस्थित आफ्नै अपार्टमेन्टमा उनको निधन भएको एपीले जनाएको छ । उनले चर्चित कार्टुन सिरिज ‘टम एण्ड जेरी’ को १३ वटा भाग निर्देशन गरेका थिए ।

फिल्म निर्देशक, एनिमेटर तथा उत्कृष्ट डिजाइनर समेत रहेका डाइच सहनिर्माता रहेको सन् १९५८ को ‘सिड्नीज फ्यामिलि ट्री’ एकेडेमी अवार्ड (अवार्ड) मा मनोनित भएको थियो । उनको फिल्म ‘मुनरो’ ले सन् १९६१ मा उत्कृष्ट एनिमेटेड शर्ट फिल्म तर्फ एकाडेमी अवार्ड जितेको थियो । त्यस्तै सन् १९६४ मा पनि ‘हियर्ज नुदनिक’ र ‘हाउ टु एभोइड फ्रेन्डशीप’ सोही अवार्ड अवार्डको लागि मनोनयनमा परेका थिए ।

डाइच अमेरिकाको सिकागोमा सन् १९२४, अगस्ट ४ तारिखमा जन्मिएका थिए ।