कलाकार खनालको आक्रोस – स्कुटर लिएर बाटोमा आउनुपर्ने हो !

देशमा लकडाउन चलेको छ । धेरै नेपाली खाध्यान अभावको कारण आफु बसिरहेको स्थानबाट हिडेर नै घर फर्किन थालेका छन् । यसै बीच सर्वोच्च अदालतले सुरक्षित वासस्थानमा पुर्याउन आदेस दिएको छ। तर प्रधानमन्त्रि केपी ओली भने ‘जो जहा छ त्यही रोक्नु’ भन्न थालेका छन् । स्थानीय तहले आफ्नै पहलमा कही कतै घर सम्म पुर्याउने प्रयास गर्दै छ । तर सरकारी तवरबाट यस किसिमको कुनै निर्णय हुन सकेको छैन ।

सामाजिक संजालमा कलाकारहरुले यस विषयमा एक पछि अर्को गर्दै आवाज उठाउन थालेका छन्।  कलाकार प्रमिला खनालले विरोध स्वरूप एक तस्विर सार्वजनिक गरेकी छन् । उनले एउटा पम्प्लेट लिएको तस्विरमा ‘सरकार, पैदल यात्रीको सवारी व्यवस्थापन कसले गर्ने ? कि म स्कुटर लिएर निस्कीउं?’ लेखिएको तस्विर सार्वजनिक गरेकी हुन् । उनी लगायत अन्य कलाकारको सामाजिक संजाल मार्फत चालिएको यो कदमले मुर्त रुप लिन सकोस ।