‘गंगुबाइ काठियावाडी’ को ६ करोडको भब्य सेट नष्ट गरिने

बलिउडमा कोरोनाको कारण फिल्म सम्बन्धी सबै कामहरु ठप्प भएपछि भारतीय प्रसिद्ध फिल्म निर्देशक संजय लीला भन्सालीको फिल्म ‘गंगुबाइ काठियावाडी’ को छायांकन पनि रोकिएको थियो । खबरहरुका अनुसार फिल्म सिटीमा ६ करोड खर्च गरेर लागाइएको फिल्मको सेट केहि दिनमा नष्ट गरिने भएको छ ।

आउदै गरेको मनसुनको कारण फिल्मको सेट भत्काउनु पर्ने भएको हो । स्रोतका अनुसार यस फिल्मको सेट बलिउडमै भब्य र महँगो सेटहरु मध्ये एक हो । भन्सालीले लकडाउन सकिएपछि छायांकन प्रारम्भ गर्ने सोचेका थिए तर अहिलेको महोल हेर्दा त्यो सम्भब देखिएको छैन । फिल्ममा अभिनेत्री आलिया भट्टले मुख्य भूमिकामा अभिनय गरिरहेकी छिन् ।