“लाखौँको लागि उजाड, मुठीभरलाई स्वर्ग” – धुर्मुस-सुन्तलीको भिडियो

सिताराम कट्टेल (धुर्मुस) र कुन्जना घिमिरे (सुन्तली) ले कोरोनाको कारण शहरबाट पैदल आफ्नो घर हिडिरहेकाहरु प्रति समर्पित भिडियो सार्बजनिक गरेका छन् । भिडियो मार्फत लकडाउनको कारण दैनिक मजदुरी गरेर छाक टार्ने निम्न आय भएकाहरुले भोग्नु परेको दु:ख देखाइएको छ ।

शहरमा जीविकोपार्जन गर्न गार्हो भएपछि आफ्नो गाउँ फर्किरहेकाहरुको व्यथा र पैसाको अभावले उपचार नपाएर ज्यान गुमाउनु पर्ने बाध्यताको कथा पनि भिडियोमा देखाइएको छ । भिडियो फेसबुकमा शेयर गर्दै सिताराम कट्टेलले लेखेका छन् – “बसाइँ हिँड्नेको ताँतीले बस्नेको मन रुँद छ, लाखौँको लागि उजाड छ यो देश, मुठीभरलाई त स्वर्ग छ, हेरेर सक्दो सेयर गरिदिनु होला है” ।