बहुप्रतिक्षित फिल्म ‘ड्युन’ को फर्स्ट लुक सार्बजनिक

चर्चित साइन्स फिक्सन उपन्यासमा आधारित फिल्म ‘ड्युन’ को फर्स्ट लुक सार्बजनिक भएको छ । भ्यानीटी फेयर ले उक्त फर्स्ट लुक सार्बजनिक गरेको हो । ‘अराईभल’, ‘ब्लेड रनर २०४७’, ‘एनिमी’, ‘प्रिजनर्स’ जस्ता फिल्मका निर्देशक डेनिस भिलेनभले ‘ड्युन’ को निर्देशन गरेका हुन् । फिल्ममा तिमोथी सालमे, रिबेका फेर्गुसन, जोश ब्रोलिन, ओस्कार इज्यक लगायतको अभिनय रहेको छ । फिल्म यहि वर्ष डिसेम्बरमा रिलिज हुनेछ ।

फ्र्यांक हेर्वार्टको सन् १९६५ को उपन्यास ‘ड्युन’ माथि चर्चित फिल्म निर्देशक डेभिड लिन्चले सन् १९८४ मै फिल्म बनाएका थिए । त्यस्तै सन् २००० मा यहि उपन्यास माथि सिरिज पनि बनेको थियो । लिन्च भन्दा पनि पहिला फ्रान्सेली-चिलियन निर्देशक अलेजन्द्रो जोड़ोरोस्किले फिल्म बनाउने असफल प्रयास गरेका थिए ।