बैंकर शेरचनको गीतमा पल शाह र प्रदीप खड्काको अभिनय (भिडियो)

प्रभु बैंकका सिइओ अशोक शेरचनको रचनामा ‘सुनौलो विहानी फर्किनेछ’ नयाँ वर्षको पहिलो दिन सार्वजनिक भएको छ । नितिन चन्दले निर्देशन गरेको भिडियोमा पहिलो पटक नायक पल शाह र प्रदीप खड्काले अभिनय गरेका छन् । कोरोना भाइरसका कारण जताततै निराशा छाएको र मुलुक लडडाउन भएको बेला आशा जगाउने उधेश्यले गीत सार्वजनिक गरिएको हो ।

बुढासुब्बा म्युजिकले सार्वजनिक गरेको गीतमा सत्यराज आचार्य, स्वरुपराज आचार्य, प्रताप दास, प्रविशा आधिकारीको स्वर रहेको छ । शाह र खड्कासँगै भिडियोमा अभिनेत्री कृष्टिना गुरुङलाई पनि देख्न सकिन्छ । त्यस्तै निर्माता/निर्देशक सन्तोष सेन पनि भिडियोमा समेटिएका छन् । भिडियोमा गायक र गायिकालाई पनि फिचर गरिएको छ ।

भिडियोमा मुस्कान वाग्ले, पवन श्रेष्ठ, सपन श्रेष्ठ, सुन्दिरा अवाले, शम्भु चालिसेको फेस पोर्टेट मार्फत उतारिएको छ । एलिश कार्की र प्रमोद निर्वानको संगीत रहेको गीतमा शैलेन्द्र एम प्रधानले म्युजिक एरेन्ज गरेका छन् । भिडियोमा रुपेश थापा, विजय भण्डारी, दिपेश उपाध्याय, भण्डारी र उपाध्यायको छायांकन रहेको छ  ।