युट्युवमा सनी अभिनित फिल्म ‘पासवर्ड’

बलिउड अभिनेत्री सनी लियोनी अभिनित फिल्म ‘पासवर्ड’ युट्युवमा सार्वजनिक भएको छ । लकडाउनको कारण घरमै रहेका दर्शकलाई ध्यानमा राख्दै नेपाली फिल्म सार्वजनिक गर्ने क्रम बढ्दो छ । एक्सन थ्रिलर जनराको फिल्ममा अनुपबिक्रम शाहि, बिक्रम जोशी (विक्की), बुद्धि तामाङ, छुल्ठिम गुरुङ, बिक्रान्त बस्नेत, रविन्द्र झा, प्रविण खतिवडा, लिशा सुनार, परि राना लगायतको अभिनय रहेको छ । सौरभ लामाको छायाँकन रहेको फिल्मलाई बिक्रम जोशी, हिरल जोशी र अमित बस्नेतले निर्माण गरेका हुन् । फिल्मको अधिकांस छायाँकन लण्डनमा गरिएको छ । फिल्म सम्राट बस्नेतको निर्देशनमा बनेको छ ।