दिवेश पोखरेल ‘अमेरिकन आइडल’ को उत्कृष्ट २० मा पर्न सफल

नेपाली युवा दिवेश पोखरेल गायन प्रतियोगिता ‘अमेरिकन आइडल’ को उत्कृष्ट २० मा पर्न सफल भएका छन् । २१ वर्षीय दिवेश ‘आर्थर गन’ को नामबाट प्रतिष्पर्धामा सहभागी भएका हुन् । उनले आफु उत्कृष्ट २० मा पर्दा अचम्मित भएको बताएका छन् ।

पछिल्लो कार्यक्रममा उनले बब मार्लीको ‘इज दिस लभ’ बोलको गीत गाएका थिए । कार्यक्रममा उनको परिवार पनि पुगेका थिए । ५ वर्षअघि नेपालबाट अमेरिका गएका दिवेश हाल क्यान्सस राज्यको विचिटामा बसोबास गर्दै आइरहेका छन् ।

१८ औं संस्करणको अमेरिकन आइडल को उत्कृष्ट २० को सुची अप्रिल ५ मा सार्बजनिक गरिएको हो । कार्यक्रमका एक निर्णायक लियोनेल रिचीले दिवेश सम्भबत सबैभन्दा अलग प्रतियोगी भएको बताए । उनले दिवेशसँग भने – ‘तिमि अडिसनमा आउँदा तिमिबाट के आशा गर्ने भन्ने हामीहरुलाई थाहा थिएन तर जब तिम्रो मुख खुल्यो त्यतिबेलै तिमीले आफ्नो पहिचान बनाइहाल्यौ’ । उनले दिवेशलाई उत्कृष्ट २० मा छान्ने निर्णय गर्न गार्हो नभएको बताए ।

कोरोना भाइरसको कारण उत्कृष्ट २० को छनोट संगै कार्यक्रम भने केहि समयको लागि रोकिएको छ र सबै प्रतियोगीहरूलाई घर पठाइएको छ ।