लकडाउनमा श्रीमान्‌को कपाल काट्दै नायिका विपना थापा

लकडाउनमा सरकारको समर्थन गर्दै घरमै बसिरहेकी अभिनेत्री विपना थापा आफ्नो श्रीमान्‌को कपाल काटिरहेकी देखिएकी छन् । विपनाले कलाकारहरुको कपाल काट्ने हेयर स्टाइलिस्ट नील डेविट कटवाल र सान्द्रा पुनलाई कपाल काट्दै चुनौती समेत दिएकी छिन् ।

उनले आइतबार आफ्ना श्रीमान् आशुतोष भारद्वाजको कपाल काटिरहेको तस्बिर र भिडियो फेसबुकमा सार्वजनिक गरेकी हुन् । उनले तस्बिर र भिडियो शेयर गर्दै भनेकी छिन्, ‘घरमै बस्नुहोला, सुरक्षित बस्नु होला ।’

यस्तै उनी थप लेख्छिन्, ‘जब सबै पसलहरु बन्द हुन्छन्, तब विपना थापा रेस्क्यूका लागि तयार हुन्छिन्, आफ्नै घरमा मेरो हब्बी (श्रीमान्) को कपाल काट्दैछु । मलाई उत्कृष्ट काम गरेको जस्तो लागिरहेछ । म अब सान्द्रा पुन र निल डेविड कटवाललाई चुनौती दिन चाहन्छु, हेरौ उनीहरुले म भन्दा पनि राम्रो गर्न सक्लान् कि ?’