आमिर खानसँग फिल्म खेल्न चाहन्छिन् कंगना रनौत

बलिउड अभिनेत्री कंगना रनौत एक्लै फिल्मलाई काँधमा बोक्न सक्ने कलाकारको सुचीमा पर्छिन् । उनि फिल्महरु छनोट गर्दा नै महिला पात्र सशक्त छ छैन भनेर हेर्ने गर्छिन् । हालै उनले आफुले गर्न चाहेको फिल्म र ड्रिम रोल बारे कुरा गरेकी छिन् ।

कंगनाले दिलिप कुमार र मधुबालाको प्रेमकथामा फिल्म बनाउन चाहेको बताएकी छिन् । उनले आफुले उक्त फिल्ममा मधुबालाको भूमिका निभाउन चाहेको र दिलिप कुमारको भूमिका आमिर खानले निभाउन भन्ने चाहेको बताएकी छिन् । कंगनाका अनुसार अनुराग बसु किशोर कुमारको बायोपिकमा उनलाई मधुबालाको भूमिकामा देख्न चाहन्थे । उक्त फिल्ममा रणबीर कपूर पनि खेल्ने कुरा थियो । तर आफ्नो भूमिका मुख्य पुरुष पात्र जतिको नहुने हुनाले उनले प्रस्ताब स्वीकार गरिनन् ।

रणबीर कपूरले आफुलाई ‘संजू’ को प्रस्ताब गरेको तर भूमिका छोटो भएकै कारण आफुले अस्विकार गरेको उनले बताईन् । उनले भनिन – ‘म रणबीर कपूर र रणवीर सिंह सँग तब मात्र काम गर्छु जब फिल्ममा मेरो भूमिका पनि उनीहरुकै बराबरको हुन्छ’ । उनले रणवीर सिंहको प्रस्तुतिमा धेरै इनर्जी हुने र आफुले उनीसंग ‘अ स्टार इज वर्न’ जस्तो फिल्ममा काम गर्न सक्ने बताईन् ।