चलचित्र पत्रकार तथा निर्देशक सुब्रत आचार्यलाई पितृशोक

चलचित्र पत्रकार तथा चलचित्र निर्देशक सुब्रत आचार्यलाई पितृशोक परेको छ । ७३ बर्षको उमेरमा आचार्यका पिता ईश्वरप्रसाद आचार्यको शनिवार दिउँसो ३ बजे किर्तिपुरस्थित मोडल अस्पतालमा निधन भएको हो । सामान्य विरामी भएका उनको हृदयघातको कारण निधन भएको बताइएको छ ।

स्व. आचार्यको शनिवार नै विद्युतिय शव गृहमा दाहसंस्कार गरिएको छ। चलचित्र पत्रकार संघ नेपालले एक शोक विज्ञप्ती जारी गर्दै संघका संस्थापक कोषाध्यक्ष तथा केन्द्रिय सदस्य सुब्रत आचार्यका पिता स्व. आचार्य प्रति श्रद्धान्जली व्यक्त गरेको छ भने परिवारजन प्रति समवेदना प्रकट गरेको छ ।