लकडाउनमा हेर्नुहोस् ‘पोइ पर्यो काले’, युट्युबमा भयो रिलिज

सरकारले लकडाउनको घोषणा गरेपछि नेपाली फिल्म ‘पोइ पर्यो काले’ युट्युबमा प्रत्यक्ष प्रसारण गरी देखाइदैछ। लडडाउनमा फिल्म हल बन्द भएपछि फिल्म निर्माताहरुको सहमतिमा फिल्मलाई युट्युबमार्पत देखाइएको हो।

फिल्म पोइ पर्यो कालेमा नायक सौगात मल्ला, पूजा शर्मा, आकाश श्रेष्ठ, श्रृष्टि श्रेष्ठ र सोहित मानन्धर रहेका छन्।

यस्तै फिल्ममा सुरक्षा पन्त, किरण नेपाली, श्रृष्टि खड्का, शिशिर राणा, राजाराम पौडेल, विन्दा खतिवडा, श्याम राई, गोपाल ढकाल, राजेन्द्र नेपालीले अभिनय गरेका छन्।

किरण नेपालीको प्रस्तुतिमा राजिब गुरुङ (दिपक मनांगे) र सरोज नेपालीले निर्माण गरेको फिल्मका निर्देशक शिशिर राणा हुन् । शिव ढकालको छायांकन रहेको फिल्मको सम्पादन तारा थापा ‘किम्भे’ ले गरेका हुन् ।