चर्चित बलिउड अभिनेत्री निम्मीको निधन

चर्चित बलिवुड अभिनेत्री निम्मीको ८८ वर्षको उमेरमा निधन भएको छ । बुधबार मुम्बईको एक हस्पिटलमा उनको निधन भएको हो । बिहिबार उनको अन्त्यष्टि गरिनेछ ।

उनि कपुर परिवारको एकदमै नजिक थिईन् । ऋषि कपुरले ट्वीटर मार्फत उनलाई श्रद्धांजलि दिएका छन् ।

RIP. Thank you Nimmi aunty for all the blessings and love for Bobby on its premiere release. You were part of the RK family. Barsaat was your first film. Allha aapko Jannat naseeb kare. Ameen. pic.twitter.com/nsTGhpCpac

— Rishi Kapoor (@chintskap) March 25, 2020

राज कपुरले आफ्नो फिल्म ‘बरसात’ मा उनलाई डेब्यु गराएका थिए । नवाब बानोको रुपमा जन्मिएकी उनलाई राज कपुरले नै ‘निम्मी’ नाम दिएका थिए । ‘बरसात’ हिट भएपछि उनलाई धेरै फिल्महरुको अफर आउन थालेको थियो । उनले ‘उड़न खटोला’, ‘आन’, ‘दाग’, ‘अमर’, ‘भाई-भाई’, ‘मेरे महबूब’, ‘पूजा के फूल’ निर्बाह गरेको चरित्रहरु अहिले पनि दर्शकहरुको मनमा बस्न सफल छन् । उनि प्राय फिल्महरुमा दोस्रो प्रमुख अभिनेत्रीको भूमिकामा देखिन्थिन् । सन् १९५० को दशककि चर्चित अभिनेत्री निम्मीले राज कपुरको अलावा उनले त्यतिबेलाका स्टारहरु देव आनन्द र दिलिप कुमार संग पनि काम गरेकी छिन् । निम्मीले पटकथाकार तथा निर्देशक एस अलि रजा संग बिबाह गरेकी थिइन् । उनको सन् २००७ मा निधन भएको थियो ।