१८ बर्षपछि स्क्रिन सेयर गर्दै अनिल – माधुरी

बलिउड एक्ट्रेस माधुरी दिक्षित लगातार आफ्ना पुराना कोस्टार्ससँग काम गरिरहेकी छन्, जसलाई एक समयमा दर्शकले एकदमै रुचाएका थिए । उनी संजय दत्तसँग २१ बर्षपछि फिल्म कलंकमा देखिदै छन् भने १८ बर्ष पछि फिल्म ‘टोटल धमाल’ मा अनिल र माधुरीलाई सँगै देखिने भएको छ । अनिल र माधुरीले अन्तिम पटक लज्जा फिल्ममा काम गरेका थिए । फिल्म टोटल धमाललाई इन्द्र कुमारले निर्देशन गरेका छन् । टिम अहिले शूटिंगमा ब्यस्त रहेको बताइन्छ । यो भन्दा पहिला इन्द्र कुमारले बेटा फिल्म यी दुई जोडीलाई नै लिएर निर्माण गरेका थिए । अनिलले आफू इन्द्र कुमारसँग फेरी काम गर्न पाएकोमा उत्साहित भएको बताए ।

केहि समय अघि फिल्मको टाईटल ट्राक शुट भएको छ भने फिल्मको फस्ट लुक पनि सार्बजनिक भइसकेको छ । जहाँ अनिल र माधुरीको जोडी शानदार देखिएका छन् । अनिल र माधुरीले हिफाजत, तेजाब, परिन्दा ,राम लखन, बेटा, पुकार जस्ता फिल्महरुमा सँगै काम गरिसकेका छन् । टोटल धमालको कुरा गर्ने हो भने अनिल र माधुरीसँगै अजय देवगन, अरशद वारसी, जावेद जाफरी, रितेश देशमुख, संजय मिश्रा लगायतको अभिनय हेर्न सकिन्छ । फिल्म ७ डिसेम्बरमा रिलिज हुने भएको छ ।