‘सक्किगोनी’ को प्रशारण बन्द हुने

नेपाल टेलीभिजन बाट प्रसारण हुदै आएको हाँस्य टेलिसिरियल ‘सक्किगोनी’ को प्रशारण केही साताको लागि बन्द हुने भएको छ । कोरोनाको कारण छायांकन गर्न नमिल्ने भएकाले टेलिसिरियलको प्रशारण स्थगन गरिएको निर्माण पक्षले जानकारी दिएको छ ।

सक्किगोनीका निर्देशक अर्जुन घिमिरे ‘पाँडे’ ले सरकारबाट अर्को सुचना नआएसम्म सक्किगोनीको प्रशारण बन्द हुने र परिस्थिति सामान्य हुनासाथ पुनः नियमित भागहरु लिएर आउने बताएका छन् । उनले अहिलेको अवस्थामा स्वास्थ्य नै सबैभन्दा महत्वपुर्ण कुरा रहेको भन्दै सबैको सु-स्वास्थ्यको कामना पनि गरेका छन् । साथै निर्माण पक्षले सिरियलको प्रशारण रोकिएकोमा त्यसबाट दर्शकदीर्घामा पर्न गएको असरको लागि क्षमायाचना पनि गरेको छ ।