‘प्रेम गीत ३’ ले पबजी प्रतियोगिता गर्ने

महामारीको रुपमा फैलिएको कोरोनाको कारण सरकारले सतर्कता अपनाउनको लागि सबैलाई घरमै बस्न आग्रह गरेको छ । यहि समय मिलाएर ‘प्रेम गीत ३’ को टिमले घरमै बसेर खेल्न मिल्ने पबजी को प्रतियोगिता गर्ने भएको छ । पबजी प्रेमीहरुको लागि यो सुबर्ण अवसर हुनसक्छ । खेल दिनको दुई पटक खेलाईनेछ र प्रतियोगिताको प्रत्क्षय प्रसारण आसुसेन बाट गरिनेछ । प्रतियोगिता २५ मार्चबाट शुरु हुनेछ भने पहिलो हुनेले ५० हजार पुरस्कार स्वरुप पाउनेछ ।

छेतेन गुरुङ र सन्तोष सेन मिलेर निर्देशन गरेको फिल्मको कथा तथा पटकथा छेतेन गुरुङ र मन्दिप गौतमले लेखेका हुन् भने फिल्ममा प्रदिप खड्का, क्रिस्टिना गुरुङ, मनिष राउत, शिव श्रेष्ठ, सुनिल थापा, सन्तोष सेन, माओत्से गुरुङ, लक्ष्मी बर्देवा, जीवन भट्टराई, जीवन बराल, अनुभव रेग्मी, योगिशा खत्री, सम्वृद्धि शाही ठकुरी, प्रेम पुरी, सुजल बस्नेत लगायतको अभिनय रहेको छ । चक्र बहादुर चन्द र डम्बर बिक्रम सेन कार्यकारी निर्माता रहेको फिल्मका गीतहरुमा कल्याण सिंह र एलिश कार्कीको संगीत साथै प्रताप दास, मेलिना राई, सागर आले र प्रविशा अधिकारीको स्वर रहेको छ । चैत्र २८ गते रिलिज हुने भनिएको फिल्मको रिलिज कोरोनाको कारण हाललाई स्थगित गरिएको छ ।