‘प्रेमगीत – ३’ को रिलिज स्थगित

‘प्रेमगीत – ३’ को रिलिज स्थगित गरिएको छ । निर्माता सन्तोष सेनले ‘विश्वब्यापि संक्रमणको रूपमा फैलिरहेको कोरोना भाइरस (COVID-19) को कारण नेपाल सरकारको निर्णय बमोजिम हाललाई हाम्रा तमाम आमदर्शक माझ् क्षमा माग्दै अर्को निर्णय नभएसम्मलाई रिलिज मिती स्थगन गरेकाछौ’ भनेका छन् । उनले आफुहरु दर्शक, देश र नागरिकको स्वास्थ्य प्रति सचेत र गम्भीर रहेको बताएका छन् । ‘प्रेमगीत – ३’ यहि चैत्र २८ गते रिलिज हुँदै थियो । समय परिस्थिती सामान्य भएसँगै फिल्मको नयाँ रिलिज मिति तय गरीने बताइएको छ ।

छेतेन गुरुङ र सन्तोष सेन मिलेर निर्देशन गरेको फिल्मको कथा तथा पटकथा छेतेन गुरुङ र मन्दिप गौतमले लेखेका हुन् भने फिल्ममा प्रदिप खड्का, क्रिस्टिना गुरुङ, मनिष राउत, शिव श्रेष्ठ, सुनिल थापा, सन्तोष सेन, माओत्से गुरुङ, लक्ष्मी बर्देवा, जीवन भट्टराई, जीवन बराल, अनुभव रेग्मी, योगिशा खत्री, सम्वृद्धि शाही ठकुरी, प्रेम पुरी, सुजल बस्नेत लगायतको अभिनय रहेको छ ।

चक्र बहादुर चन्द र डम्बर बिक्रम सेन कार्यकारी निर्माता रहेको फिल्मका गीतहरुमा कल्याण सिंह र एलिश कार्कीको संगीत साथै प्रताप दास, मेलिना राई, सागर आले र प्रविशा अधिकारीको स्वर रहेको छ ।