सर्यो ‘हस्पिटालिटी नेपाल’ को फिनाले

हस्पिटालिटी नेपाल कन्टेस्टको फिनाले मिति सारिएको छ । यहि १५ गतेका लागि तय भएको चौथो संस्करणको फिनाले कार्यक्रम सारिएको आयोजकले जनाएको हो ।

विश्वका विभिन्न मुलुकमा महामारीको रुप लिएको कोभिड १९ अर्थात कोरोना भाइरसलाई मध्यनजर गर्दै सतर्कता आपनाइएको आयोजक एपी इन्टरटेनमेन्टका अर्जुन पाण्डेले बताए । कोरोना भाइरसको महामारी अन्त्य नभएसम्मकालागि फिनाले सारिएको उनको भनाई छ ।

चौथो संस्करणको यस कन्टेस्टमा १५ प्रतियोगि छन् । कन्टेस्टमा प्रथम हुनेले थाइल्याण्डको भ्रमण प्याकेज प्राप्त गर्नेछन् । यसैगरि कन्टेस्टमा दोस्रो र तेस्रो हुनेले विभिन्न क्षेत्रको प्रोमोसनल भिडियोमा काम गर्ने अवसरका साथै नगद पुरस्कार प्राप्त गर्नेछन् । हिमाअस एजुकेसन कन्सल्टेन्सीको मुख्य प्रायोजन रहेको यस कन्टेस्टलाई एस टू प्रोडक्सनले व्यवस्थापन गरेको छ ।