बिना दर्शक सम्पन्न भयो ‘जी सिने अवार्ड’

कोरोना भाइरस (कोभिड–१९) महामारीको रुपमा फैलिरहेको छ । भारतमा पनि यो भाइरस फैलिने क्रममा छ । भाइरसको कारण भारतमा अहिले सम्म २ जनाको मृत्यु भैसकेकोछ । संक्रमित हुनेको संख्या पनि दिनदिनै बढिरहेको छ । यस्तैमा ‘जी सिने अवार्ड’ भने दर्शकहरुको उपस्थिति बिनानै सम्पन्न भएको छ । दर्शकहरुको स्वास्थ्यलाई ख्याल गरेर आयोजकले यस्तो गरेका हुन् । अवार्ड कार्यक्रमको लागि भनेर टिकट काटेका दर्शकहरुले यसअघि नै आफ्नो पैसा फिर्ता पाइसकेका छन् । दर्शकहरुले केहिदिनमा उक्त अवार्ड कार्यक्रम टेलिभिजन मार्फत हेर्न सक्नेछन् ।

अवार्ड कार्यक्रममा आयुष्मान खुराना, रनवीर सिंह, सारा अलि खान, कृति स्यानोन, कार्तिक आर्यन लगायतका स्टार कलाकारहरु भने उपस्थित थिए । अभिनेता रणवीर सिंहले ‘गल्ली ब्वाई’ बाट उत्कृष्ट अभिनेताको अवार्ड हात परे भने कार्तिक आर्यनले ‘पति पत्नी और ओ’ बाट हाँस्य भूमिकाको लागि उत्कृष्ट अभिनेताको अवार्ड पाए । आयुष्मान खुरानालाई ‘बेष्ट इन्टरटेनर अफ द इयर’ अवार्ड दिईयो । तापसी पन्नुले ‘बदला’ बाट उत्कृष्ट अभिनेत्रीको अवार्ड पाइन् ।