तोकियो ‘केजिएफ २’ को रिलिज मिति

प्रतिक्षित फिल्म ‘केजिएफ २’ को रिलिज मिति तोकिएको छ । फिल्म अक्टोबर २३ मा रिलिज हुने निश्चित भएको छ । फिल्म कन्नड, तेलेगु, तमिल, मलायालम र हिन्दी गरेर एकसाथ पाँच भाषामा रिलिज हुनेछ । प्रशान्त निल निर्देशित फिल्ममा यश, श्रीनिधि शेट्टी, संजय दत्त तथा रविना टन्डनको मुख्य भूमिका हुनेछ । फिल्ममा संजय दत्त खलनायकको भूमिकामा देखिनेछन् त्यस्तै रविना टन्डन यहि फिल्मबाट कमब्याक गर्दैछिन् ।

फिल्मको पहिलो भाग सन् २०१८ मा रिलिज भएको थियो । फिल्मले रिलिजको एक हप्तामा कुल ११३ करोडको व्यापार गरेर कन्नड फिल्म उद्योगमा १०० करोडको आँकडा पार गर्ने पहिलो फिल्म बनेको थियो ।