कमलको ‘डेसान’ मा विवाहित नम्रता

फिल्म ‘डेसान’ मा नम्रता सापकोटा पक्का भएकी छन् । उनी फिल्ममा देखिन लागेको बारे सामाजिक संजालमा लेख्दै पुष्टी गरेकी हुन् । सार्वजनिक तस्विर हेर्दा उनी विवाहित नारीको भूमिकामा देखिन लागेको अनुमान गर्न सकिन्छ । पर्फर्मिंग आर्ट क्रिएसनको प्रस्तुतिमा फिल्म बन्न लागेको हो ।

कमल एक्चै मगरको निर्देशन रहने फिल्म छिटै नै फ्लोरमा जाने बताइएको छ । फिल्मको कलाकार निशान चौहान, पुनम थापा, कविता आले, भोला सापकोटा,  नुरुङ राई, आरुष जंग सारु लगायत फाइनल भएका छन् । फिल्ममा चक्र महर्जनको छायांकन रहने छ।