शुक्रबार ‘चपली हाइट ३’ टिजर

सफल फिल्म चपली हाइटको तेश्रो सिरिज प्रदर्शन नजिक पुगेको छ । यहि चैत्र २८ अर्थात नया वर्षको छेको पारेर प्रदर्शनमा आउने फिल्मको टिजर सार्वजनिक गर्न टिमले तयारी गरेको छ । फिल्मका निर्माता अर्जुन कुमारका अनुसार टिजर यहि शुक्रवार सार्वजनिक गरिदै छ । यस अघि फिल्मको एक गीत ‘चारानाको मसला’ सार्वजनिक भैसकेको छ जसलाई दर्शकले मन पराएका छन् ।

निकेश खड्का निर्देशित फिल्ममा स्वस्तिमा खड्का, सुपुष्पा भट्ट, अर्पण थापा, आमिर गौतम, महेश त्रिपाठी, प्रतिक श्रेष्ठलगायतका कलाकारहरुको अभिनय रहेको छ । निर्माता अर्जुन अघिल्ला दुई सिरिजभन्दा ‘चपली हाइट ३’ फरक कथामा बनेको बताउँछन् । फिल्मलाई अर्जुन कुमार फिल्मस्ले निर्माण गरेको हो ।