करिश्माले होली नमनाउने, स्व. भट्टराई परिवारलाई सहयोग गर्ने

प्रत्येक वर्ष होलिमा गोदावरी स्थित करिश्मा र बिनोद मानन्धरको घरमा होलि को विशेष माहोल हुने गर्छ । उक्त कार्यक्रममा नेपाली फिल्म संग सम्बन्धित धेरै मानिसहरुले सहभागिता जनाउने गर्छन् । तर यस पटक भने त्यहाँ होलिको कार्यक्रम नगरिने भएको छ । करिश्माको अनुसार कोरोना भाइरस सङ्क्रमणको उच्च जोखिमलाई ध्यानमा राखेर यस पटक होलि नगरिने निधो गरिएको हो । साथै करिश्मा र बिनोदले होलीमा खर्च हुने रकम रु. १ लाख १ सय १ रुपैँया स्वर्गीय केशवराज भट्टराईको परिवारलाई सहयोग गरेका छन् । उक्त रकम दीपाश्री निरौलालाई हस्तान्तरण गरिएको हो । दीपाश्री निरौलाले करिश्मा र बिनोदको उक्त कदमको लागि आभार ब्यक्त गरेकी छिन् ।