दयाको ‘नीरफूल’ चैत ७मा

दयाहाङ राई अभिनित फिल्म ‘नीरफूल’को प्रदर्शन मिति पुनः हेरफेर भएको छ । फिल्म अब चैत्र ७ बाट प्रदर्शनमा आउने छ । यसअघि यो फिल्म फागुन ३० मा रिलिज हुने घोषणा थियो भने त्यो पहिले ‘नीरफूल’ निर्माण टिमले गत भदौमा समेत प्रदर्शन घोषणा गरेको थियो । फिल्म बागी ३ संग एकसाथ् डेट जुधे पछि ‘म यस्तो गीत गाउछु २’ सरेर नीरफूल प्रदर्शन हुने मिति फागुन ३०मा पुग्यो पहिलेबाट नै यहि मितिमा अडेको फिल्म जुध्न नचाहेको भन्दै अब चैत ७बाट प्रदर्शनमा आउने भएको छ  फिल्मको ट्रेलर मंगलबार सार्वजनिक हुँदैछ ।

भूकम्पमा परि बिछोडिएको परिवारले पुर्नमिलनको लागि गर्ने संघर्षमा आधारित बताइएको फिल्ममा दयाहाङ राईसँगै बुद्धि तामाङ, रेखा थापा, शान्ति वाइवा, जिग्मे छ्योइकी, पुष्कर गुरुङ, राजन खतिवडा, सरिता गिरी, सरोज अर्याल, कृष्णभक्त महर्जन, रोशन फ्युबा लगायतको अभिनय छ । फिल्मको पटकथा सचिन घिमिरे र निर्देशक वलले लेखेका हुन् भने सचिन एसोसिएट निर्देशकको रुपमा पनि छन्। फ्रेन्डस् अफ नेपाल–म्यान्मार फ्रेन्डसिप काउन्सिलसितको सहकार्यमा सेलो प्रोडक्सनले निर्माण गरेको फिल्ममा सोनाम डोमा कार्यकारी निर्माता छिन् ।