हलमा सौरभ चौधरी निर्देशित ‘लभ डायरिज’

फ्राइडे रिलिज अन्तर्गत आज फागुन २ अर्थात फेब्रुअरी १४ प्रणय दिवसका दिन नेपाली फिल्म ‘लभ डायरिज’ प्रदर्शनमा आएको छ । डेब्यु निर्देशक सौरभ चौधरी निर्देशित फिल्मकी नायिका समेत डेब्यु नै हुन् । प्रेमकथामा आधारित फिल्ममा सुशील श्रेष्ठ, रुबिना थापा र विश्वजित रिमालले मुख्य भूमिका निर्वाह गरेका छन् । फिल्ममा मधु बास्तोलाको कथा/पटकथा, संजय लामाको छायांकन, मिलन श्रेष्ठ र दिर्ध खड्काको सम्पादन रहेको छ । साहिल खानले सह-निर्देशकको भूमिकामा काम गरेको फिल्म विनोद सापकोटाले निर्मान गरेका हुन् ।

त्यस्तै भारतीय फिल्म ‘लभ आजकल २’ समेत आज बाट नै प्रदर्शनमा आएको छ । अघिल्लो हप्ताबाट हलमा लागेका फिल्म मलंग, साङलो, सेल्फी किंग, जवानी जानेमन लगायत समेतले हलमा स्थान पाएका छन्  ।