सूर्य बोहराको ‘ओह प्रिया’ निर्माण घोषणा

निर्देशक एभरेष्ट सूर्य बोहराको लेखन तथा निर्देशनमा फिल्म ‘ओह प्रिया’ निर्माण हुने भएको छ । फिल्मकी निर्मात्री हिराल जोशीको जन्मदिनको अवसरमा मंगलबार चावहिल स्थित गणेशस्थानमा स्क्रिप्ट पूजा गर्दै फिल्म निर्माणको घोषणा गरिएको हो । फिल्मलाई सिनेम्याक्स लण्डन, बिरंजना इन्टरटेन्मेन्ट र इएसबि फिल्म नेपालले संयुक्त रुपमा निर्माण गर्न लागेको हो । अहिले फिल्मको लागि कलाकारहरु र प्राबिधिकहरु छनौट गरिदै छ । फिल्मको छायांकन नेपालको साथ साथै वेल्स, स्कटल्याण्ड, लण्डन र क्यानडामा गरिनेछ । जुनको अन्तिम बाट छायांकन शुरु गरिने फिल्म सन् २०२१ को भ्यालेन्टाइन्स डे मा रिलिज गरिनेछ ।

निर्देशक बोहराको ‘हेलो जिन्दगी’ को पोष्ट प्रोडक्सनको काम भइरहेको छ । उक्त फिल्म आगामी दशैताका प्रदर्शन गर्ने तयारी गरिएको छ ।