फ्राइडे रिलिज : साङ्लो, सेल्फी किङ र मलङ

फ्राइडे रिलिज अन्तर्गत आज माघ २४गते २ नेपाली फिल्म प्रदर्शनमा आएका छन् । एक्सन स्टार भनिने बिराज भट्टको साङलो र नाटकमा लामो समय काम गरेर आएका कलाकारको फिल्म, ‘सेल्फी किंग’ । एउटा फिल्ममा एक्सन र लभ छ भने अर्कोमा हास्यकलाकारले रियल लाइफमा भोग्ने जीवनको कथा । साथै एक भारतीय फिल्म ‘मलंग’ समेत आजबाट नै प्रदर्शनमा आएको छ ।

बिराज भट्ट र पुर्व मिस नेपाल निकिता चन्दक अभिनित फिल्म ‘साङलो’ का सार्वजनिक सामाग्रीले दर्शकको सकारात्मक साथ् पाएको छ । विराज भट्ट फिल्म प्रोडक्सन प्रालिको ब्यानरमा निर्माण भएको फिल्ममा तेज बहादुर खड्काको निर्माण छ । फिल्ममा बिराज भट्ट, निकिता चन्दक, प्रकाश शाह, कामेश्वर चौरासिया, जयनन्द लामा, भारत शाह र रमेश सोडारीको अभिनय छ । फिल्ममा सुरेश अधिकारी, राजन राज सिवाकोटी र खम्बू सिंहको संगीत, मानकृष्ण महर्जनको छायांकन रहेको छ । शिवम अधिकारीको लेखन रहेको फिल्ममा द्वन्द निर्देशन श्री श्रेष्ठको रहेको छ । राजेन्द्र रावल निर्माण नियन्त्रक रहेको फिल्ममा नवराज शर्मा मुख्य सहायक निर्देशक रहेका छन् । फिल्म बिराज भट्टले निर्देशन गरेका छन् ।

विशाल सापकोटाको निर्देशन रहेको फिल्म सेल्फी किंगमा दिनेश राउत र शुभाष थापाको लगानी रहेको छ । फिल्ममा विपिन कार्की, लक्ष्मी बर्देवा, भुवन चन्द, अभय बराल, लोकमणी सापकोटा, सविन बाँस्तोला, कमल देवकोटा, राजेश बिसुराल लगायतका कलाकारको अभिनय छ भने अभिनेत्री केकी अधिकारीले ‘जाली रूमाल’ बोलको गीतमा नृत्य गरेकी छन् । फिल्ममा बिशालकै लेखन, सुसन प्रजापतिको छायाँकन, जीवन थापाको सम्पादन, सुवास भुषालको संगीत, बि. पाण्डेको शव्द, अञ्जु पन्त र पुरुषोत्तम सुबेदीको गायन, उदय पौडेलको संगीत संयोजन, निर्मल लामाको कोरियोग्राफी रहेको छ । फिल्मका सहनिर्माता राजेश बिसुराल र प्रवल कोइराला रहेका छन् ।