होचा कलाकार सहयोगार्थ ‘सेल्फी किङ्ग’ बिषेश शो

होचा कलाकार मनोज बिकको सहयोगार्थ फिल्म ‘सेल्फी किङ्ग’ को बिषेश शो हुने भएको छ । नेपाल राष्ट्रिय मोडलिङ संघले आगामी शनिबार बिग मुभिजमा विहान फिल्मको बिषेश शो आयोजना गर्न लागेको हो । बोनम्यारोको रोगबाट पिडित मनोजको अहिले उपचार भइरहेको छ । पारिवारको आर्थीक अवस्था मजबुत नहुँदा उनको उपचारमा आर्थिक समस्याले कठिनाई उत्पन्न भइरहेको छ । फिल्मको बिषेश शोबाट उठेको सम्पुर्ण रकम मनोजलाई नै प्रदान गरिने छ । उक्त शोमा फिल्मका कलाकार, राजनीतिक नेता तथा समाजसेवीहरुको समेत उपस्थिति रहने आयोजकले जनाएका  छन् । विशाल सापकोटाको निर्देशन रहेको फिल्ममा दिनेश राउत र शुभाष थापाको लगानी रहेको छ ।

फिल्ममा विपिन कार्की, लक्ष्मी बर्देवा, भुवन चन्द, अभय बराल, लोकमणी सापकोटा, सविन बाँस्तोला, कमल देवकोटा, राजेश बिसुराल लगायतका कलाकारको अभिनय छ भने अभिनेत्री केकी अधिकारीले ‘जाली रूमाल’ बोलको गीतमा नृत्य गरेकी छन् । फिल्ममा बिशालकै लेखन, सुसन प्रजापतिको छायाँकन, जीवन थापाको सम्पादन, सुवास भुषालको संगीत, बि. पाण्डेको शव्द, अञ्जु पन्त र पुरुषोत्तम सुबेदीको गायन, उदय पौडेलको संगीत संयोजन, निर्मल लामाको कोरियोग्राफी रहेको छ । फिल्मका सह निर्माता राजेश बिसुराल र प्रवल कोइराला रहेका छन् ।