चपली टिमले बैंकक घुमाउने

चैत २८ गतेबाट प्रदर्शनमा आउन लागेको फिल्म ‘चपली हाइट ३’ ले दर्शकलाई बैंकक घुमाउने उपहार योजना बनाएको छ । त्यसका लागि फिल्मको ‘चार आनाको मसला’ बोलको गीतमा टिकटक बनाउनुपर्नेछ । फिल्म निर्माता अर्जुन कुमारले प्रथम हुनेलाई बैंकक घुमाइने बताए । लाइक र भ्यूज धेरै पाएको टिकटक भिडियोमध्ये एउटालाई विजेता घोषणा गरिने बताइएको छ । यो प्रतियोगिताले फिल्मको प्रचार-प्रसारमा ठूलो सघाउ पुर्याउने विश्वास निर्माण टिमले लिएको छ ।

निकेश खड्का निर्देशित फिल्ममा स्वस्तिमा खड्का, सुपुष्पा भट्ट, आमिर गौतम, महेश त्रिपाठी, प्रतिकमान श्रेष्ठ, अर्पण थापा, दीपाश्री निरौला, लक्ष्मी बर्देवा, लोकेन्द्र लेखकलगायतका कलाकारहरुको अभिनय रहेको छ । फिल्ममा दर्शकले सस्पेन्स र थ्रिल पाउने निर्माता अर्जुन कुमारको दाबी छ । अर्जुन कुमार फिल्मस् को ब्यानरमा फिल्म निर्माण भएको हो ।