गायक खरेलको रंगशाला निर्माणमा सहयोग

गायक प्रमोद खरेलले गौतम बुद्ध अन्तर्राष्ट्रिय क्रिकेट रंगशाला निर्माणार्थ सहयोग गर्ने घोषणा गरेका छन् । उनले सामाजिक संजाल फेसबुकमा स्टाटस लेख्दै १ वर्ष आफूले गर्ने प्रत्येक सांगीतिक कार्यक्रमको पारिश्रमिकबाट ५ हजार १११ रुपैयाँका दरले रंगशाला निर्माणमा सहयोग गर्ने बताएका छन् ।

उनले लेखेका छन्-

‘जनस्तरबाट निर्माण भईरहेको गौतम बुद्ध अन्तर्राष्ट्रिय क्रिकेट रङ्गशाला निर्माण अभियानका लागी म मेरो तर्फबाट सहयोगको घोषणा गर्दैछु । जो अन्तर्गत २०७६ माघ १७ देखि २०७७ माघ १७ (अर्थात् १ वर्ष) भित्र मैले गर्ने कुनै पनि सांगीतिक कार्यक्रमबाट लिने पारिश्रमिकमा हरेक कार्यक्रम बाट रु. ५१११ (पाँच हजार एक सय एघार) का दरले यो अभियानलाई प्रदान गर्नेछु । थोपा थोपा मिलेर सागर अवश्य बन्नेछ’ ।