हिन्दु धर्मावलम्वीको आस्था माथि ठेस पुगेकोमा ‘कमेडी च्याम्पियन’ ले माग्यो माफी

कमेडी च्याम्पियन अहिलेको चर्चित टेलीभिजन कार्यक्रमहरु मध्ये एक कार्यक्रम हो । कार्यक्रममा प्रतियोगीहरुले दर्शकहरु र निर्णायकहरुलाई हसाउनको लागि बिबिध बिषयहरु माथि आफ्नो प्रस्तुति दिईरहेका हुन्छन । यसैक्रममा कार्यक्रमका एक प्रतियोगी हिमेश पन्तको प्रस्तुतिले हिन्दु धर्मावलम्वीहरुको आस्था माथि ठेस पुग्न गएपछी कमेडी च्याम्पियन परिवारले औपचारिक रुपमा माफी मागेको छ । आफ्नो आधिकारिक फेसबुक पेज एबम् कार्यक्रमको २१ औ भागको शुरुवातमा सम्पूर्ण जिम्मेवारी लिदै हिमेश पन्त र कमेडी च्याम्पियन परिवारको तर्फ बाट क्षमा मागेको हो । सम्पादन गर्नेक्रममा भुलबश छुट्न गएर उक्त गल्ति भएको र अब उप्रान्त भुल नगरी आफ्नो जिम्मेवारि पुरा गरेर व्यंगात्मक प्रस्तुति हरु मार्फत सबैलाई हसाउने प्रतिबद्दता ब्यक्त गरिएको छ ।