‘रोडिज’ लाई कमेडी च्याम्पियनको सहारा !

कमेडी च्याम्पियनको २१ औ भागमा रियालिटी शो ‘हिमालय रोडिज’ बाट शो का निर्देशक अमन प्रताप अधिकारी र पहिलो सिजन देखिनै ‘रोडिज’ मा संलग्न अभिनेत्री दिया मास्केलाई अथितिको रुपमा बोलाइएको थियो । उनीहरुले शो मा प्रतियोगीहरुको प्रस्तुति रमाइलो मानेर हेरेका थिए ।

प्राय आफ्नो फिल्म र अन्य प्रमोसनल उधेश्य लिएर कार्यक्रममा अथितिहरु आउने गर्दछन । कमेडी च्याम्पियन अहिले चर्चामा रहेकोले पनि प्रचार प्रसारको लागि यो एउटा राम्रो प्लेटफर्म बनेको छ । तर ‘हिमालय रोडिज’ को टिमबाट दिया र अमन अथिति बनेर ‘कमेडी च्याम्पियन’ मा आउदा कतै ‘रोडिज’ को चर्चा कम भएर कमेडी च्याम्पियन को सहारा लिनु परेको हो कि भन्ने आशंका उत्पन्न भएको छ । ‘कमेडी च्याम्पियन’ थ्री प्रोडक्सन कम्पनिले निर्माण गरेको कार्यक्रम हो भने ‘हिमालय रोडिज’ हिमालय टिभीको आफ्नै कार्यक्रम हो ।