भदौ ५ मा ‘सम्हालिन्छ कहिले मन’

फिल्म ‘सम्हालिन्छ कहिले मन’ हरितालिका तीजको अवसर पारेर भदौ ५ गतेबाट प्रदर्शनमा आउने पक्का भएको छ । निर्माणको लामो समयसम्म प्राविधिक कारणवश रिलिज हुन नसकेको फिल्म भदौ ५ मा कन्फर्म रिलिज हुने निर्माता अजित कुमार थापाले बताए ।

सुदर्शन थापाको निर्देशनमा बनेको फिल्ममा पूजा शर्मा, आकाश श्रेष्ठ, सोनम तोप्देन, सरोज खनाल, गौरी मल्ल, धिरेन शाक्य लगायतका कलाकारहरुको अभिनय छ । फिल्म एबी इन्टरनेशनल व्यानरमा निर्माण भएको हो । अमित बस्नेत समेत निर्माता रहेको फिल्ममा अंकित गौतम र सनिष खकुरेल कार्यकारी निर्माता छन् भने परि राना सह-निर्माता छन् । फिल्ममा महेश दवाडीको कथा, अर्जुन पोखरेल, सुगम पोखरेल र ताराप्रकाश लिम्बुको संगीत, सौरभ लामाको छायांकन, कविराज गहतराजको कोरियोग्राफी छ ।